පොලීසිය සමග එක්ව සිදුකළ මෙම වැටලීමේ දී එම කර්මාන්ත ශාලාවේ තිබී රුපියල් ලක්ෂ 4ක පමණ වටිනාකමින් යුත් එම ආහාර දවටන කිලෝග්‍රෑම් 400කට ආසන්න ප්‍රමාණයක් සිය භාරයට ගත් බව මධ්‍යම පරිසර අධිකාරියේ අධ්‍යක්ෂ ජනරාල් හේමන්ත ජයසිංහ මහතා පැවසීය.
එමෙන්ම ඒවා නිෂ්පාදනය සඳහා යොදාගත් යන්ත්‍ර සහ උපකරණ කිහිපයක් ද සොයාගෙන තිබේ.
අදාළ නිෂ්පාදන පිටකොටුව ප්‍රදේශයේ පිහිටි තොග වෙළෙඳසැලකට අලෙවි කිරීමට සූදානම් කර තිබූ බව ද සිදුකළ විමර්ශනවලදී අනාවරණය වු බවයි අධ්‍යක්ෂ ජනරාල්වරයා සඳහන් කළේ.
නොදිරන පොලිතින් ආහාර දවටන සම්බන්ධයෙන් සිදුකරන වැටලීම් කොවිඩ් නයින්ටීන් වසංගත තත්ත්වය හේතුවෙන් තාවකාලිකව නතර කර තිබු අතර මේ වන විට එම කටයුතු දිවයින පුරා ක්‍රියාත්මක වන පරිදි යළි ආරම්භ කර ඇති බව මධ්‍යම පරිසර අධිකාරියේ අධ්‍යක්ෂ ජනරාල් හේමන්ත ජයසිංහ මහතා වැඩිදුරටත් සඳහන් කළේය.
