කොළඹ මධ්‍යම තැපැල් හුවමාරුවේ රාජකාරි කටයුතු අදියර කිහිපයක් යටතේ අද (09) දින සිට ආරම්භ කරන බව තැපැල්පති රංජිත් ආරියරත්න මහතා පැවසීය.
ඒ අනුව අද සිට එහි ජාත්‍යන්තර අධිවේගී තැපෑල, ව්‍යාපාරික තැපෑල සහ දේශීය අධිවේගී කුරියර් සේවා ආරම්භ කරන බව ඒ මහතා සඳහන් කරයි.
පසුගිය 05 වනදා සිට එහි රාජකාරි කටයුතු සම්පූර්ණයෙන් අත්හිටුවනු ලැබුවේ, කොවිඩ් නයින්ටීන් ආසාදිතයින් තිදෙනෙකු හඳුනාගැනිම හේතුවෙනුයි.
