මීගොඩ, නාගහවත්ත ප්‍රදේශයේ දී කාර් රථයකින් ගමන් කරමින් සිටි පුද්ගලයෙකුට වෙඩි තබා ඝාතනය කිරීමේ අපරාධය සම්බන්ධ වෙඩික්කරු ලෙස කටයුතු කල සැකකරුවෙකු හා එයට ආධාර අනුබල දුන් තවත් සැකකරුවෙකු අත්අඩංගුවට ගෙන තිබෙනවා.
එම සැකකරුවන්ගෙන් සිදු කරන ලද ප්‍රශ්න කිරීමේදී, මෙම අපරාධයට සම්බන්ධ තවත් සැකකරුවන් තිදෙනෙකු 2024.12.22 වන දින සවස් කාලයේ හෝමාගම හා මීගොඩ පොලිස් වසම්වලදී අත්අඩංගුවට ගෙන ඇති බවයි වාර්තා වන්නේ.
අත්අඩංගුවට ගත් සැකකරුවන් අවුරුදු 22, 26 හා 38 යන වයස්වල පසුවන පාදුක්ක හා මීගොඩ ප්‍රදේශවල පදිංචිකරුවන්.
මොවුන්ගෙන් එක් අයෙකු මෙම අපරාධය සිදුකිරීමට වෙඩික්කරු සමඟ පැමිණි පුද්ගලයෙකු වන අතර අනෙක් පුද්ගලයින් දෙදෙනා අපරාධය සිදුකිරීමට ආධාර අනුබලදීම හා කුමන්ත්‍රණය කිරීම යන චෝදනා මත අත්අඩංගුවට ගෙන තිබෙනවා.
බස්නාහිර පළාත් දකුණ අපරාධ කොට්ඨාසය හා මීගොඩ පොලිසිය වැඩිදුර විමර්ශන සිදුකරනු ලබනවා.
