යුරෝපයේ පැතිර යන දරුණු ලැව්ගිනි තත්ත්වය මාස ගණනක් පාලනය කිරීමට නොහැකි විය හැකි බවට බලධාරීන් අනතුරු අඟවා තිබේ. මේ වන විට ප්රංශයේ Bordeaux සහ ස්පාඤ්ඤයේ Madrid නගර ආසන්න ප්රදේශවල ගිනි නිවීමේ මෙහෙයුම් දැඩි ලෙස ක්රියාත්මක වෙමින් පවතී.
ප්රංශ ජනපති Emmanuel Macron ප්රකාශ කර ඇත්තේ, දෙවන ලෝක යුද්ධයෙන් පසු තම රට මුහුණ දුන් දරුණුතම ලැව්ගිනි තත්ත්වයට මෙවර රට මුහුණ දී සිටින බවයි. ඉදිරි සතියේදී නැවතත් උෂ්ණත්වය ඉහළ යාමත් සමඟ අවදානම තවත් වැඩි විය හැකි බවට අනතුරු අඟවා ඇත.
මේ අතර ස්පාඤ්ඤ බලධාරීන් පවසන්නේ Madrid ආසන්න ප්රදේශවලින් පුද්ගලයන් 63,000කට වැඩි පිරිසක් තම නිවාසවලින් ඉවත් කර ඇති බවයි. එරට අග්රාමාත්යවරයා ප්රකාශ කළේ මෙම ලැව්ගිනි “දේශගුණික හදිසි තත්ත්වයේ වඩාත් වේදනාකාරී ප්රකාශනය” බවයි.
ලැව්ගිනිවල දැඩි බව හේතුවෙන් ප්රංශයේ “fire clouds” ලෙස හැඳින්වෙන සංසිද්ධියක් ද ඇති වී තිබේ. බලධාරීන් පවසන්නේ මෙවැනි සංසිද්ධියක් මීට පෙර එරටදී දැක නොමැති බවයි. විශාල ලැව්ගින්නක් ඇති වූ විට, ගින්නෙන් පිටවන අධික උණුසුම් වාතය, දුම සහ ජල වාෂ්ප ඉහළට වේගයෙන් නැඟී ගොස් වලාකුළක් වැනි විශාල ව්යුහයක් සෑදීම fire clouds ලෙස හැඳින්වේ.
