චීන විදේශ ඇමති දකුණු කොරියානු ජනපති හමුවෙයි

දකුණු කොරියාව චීනය කෙරෙහි මිත්‍රශීලී ප්‍රතිපත්තිය ස්ථිරව අනුගමනය කරනු ඇතැයි අපේක්ෂා කරන බව චීනය පවසයි.
චීන කොමියුනිස්ට් පක්ෂයේ මධ්‍යම කාරක සභාවේ දේශපාලන කාර්යාංශයේ සාමාජිකයෙකු ද වන චීන විදේශ අමාත්‍ය වැන්ග් යී දකුණු කොරියානු ජනාධිපති ලී ජේ මියුන්ග් (Lee Jae Myung) ඊයේ (20) සෝල් නුවර දී හමු වූ අවස්ථාවේ මේ බව පැවසීය.
ලබන වසරේ දෙරට අතර රාජ්‍යතාන්ත්‍රික සබඳතා ස්ථාපිත කිරීමේ 35 වැනි සංවත්සරය යෙදේ. එය චීන-දකුණු කොරියානු උපායමාර්ගික සහයෝගිතා හවුල්කාරිත්වයේ වැඩි ප්‍රගතියක් ලබා ගැනීමට අවස්ථාවක් ලෙස සලකන බව වැන්ග් යී සඳහන් කළේය.
මෙම වසරේ ආරම්භයේ සිට චීන-දකුණු කොරියානු සබඳතා පුළුල් ලෙස ප්‍රතිස්ථාපනය කෙරුණු අතර චීනය කෙරෙහි ඇති ධනාත්මක ප්‍රගතිය පෙන්නුම් කර ඇත. එය තාර්කික, ප්‍රායෝගික සහ ධනාත්මක ප්‍රතිපත්තියකි. කාලයේ ප්‍රවණතාවයට අනුකූලව එය දකුණු කොරියාවේ අවශ්‍යතාවලට සම්පූර්ණයෙන්ම ගැළපෙන බව ඔහු පැවසීය.
චීනය සියලු රටවල්, විශේෂයෙන් අසල්වැසියන් සමග සංවර්ධන අවස්ථා බෙදා ගැනීමට සූදානම්ය. වර්ධනය වන ගෝලීය ආර්ථික බිඳීම් සහ නැගී එන වෙළඳ ආරක්ෂණවාදය මධ්‍යයේ කලාපීය ආර්ථික ඒකාබද්ධතාවය සහ විශ්වීය වශයෙන් ප්‍රයෝජනවත්, සියල්ලන් ඇතුළත් ආර්ථික ගෝලීයකරණය ප්‍රවර්ධනය කිරීමේ අවශ්‍යතාව පවතී. ඒ සඳහා චීනය සහ දකුණු කොරියාව නිදහස් වෙළඳ ගිවිසුම් සාකච්ඡාවන් හි දෙවන අදියර කඩිනමින් අවසන් කිරීමෙන් ආදර්ශයක් තැබිය යුතු බව ද වැන්ග් යී මහතා පෙන්වා දුන්නේය.
කොරියානු ජනාධිපතිවරයා පැවසුවේ ආර්ථික හා වෙළඳ සහයෝගිතාවයේ ශක්තිමත් වර්ධන වේගයක් සමගින්, චීන-දකුණු කොරියානු සබඳතා වැඩිදියුණු වී වේගයෙන් වර්ධනය වන ආකාරය දැකීම සතුටට කරුණක් බවයි. දකුණු කොරියාව සහ චීනය අනුපූරක ශක්තීන් සහිත අන්‍යෝන්‍ය වශයෙන් යැපෙන සහ අන්‍යෝන්‍ය වශයෙන් වාසිදායක හවුල්කරුවන් බවට පත්විය යුතු බව ඔහු පැවසීය. ආර්ථික, වෙළඳාම සහ ආරක්ෂාව වැනි ක්ෂේත්‍රවල දෙරටට ම එකිනෙකා අවශ්‍ය බව ද ලී ජේ මියුන්ග් මහතා වැඩිදුර‍ටත් සඳහන් කළේය.