ඇමරිකානු හමුදා ඉරානයට එරෙහිව යළි ප්රහාර ආරම්භ කිරීමෙන් පසු, ඉරානය, ඉරාකයේ සහ ජෝර්දානයේ පිහිටි ඇමරිකානු හමුදා කඳවුරු වෙත ප්රහාර එල්ල කර ඇති බව එරට රාජ්ය මාධ්ය සහ ජෝර්දාන් සන්නද්ධ හමුදා පවසයි.
දකුණු ඉරානයේ Sirik ප්රදේශයේ පැවති මංගල උත්සවයකදී, නිවසකට එල්ල වූ ඇමරිකානු මිසයිල ප්රහාරයකින් විසිවී ගිය කැබලි වැදීම හේතුවෙන් දරුවෙකු ඇතුළු පුද්ගලයන් සිව්දෙනෙකු මියගිය බව ඉරාන රතු අඩසඳ සංවිධානය ප්රකාශ කළේය. එම ප්රහාරයෙන් 50කට වැඩි පිරිසක් තුවාල ලබා ඇති බවද එම සංවිධානය පැවසීය. ඇමරිකානු මධ්යම අණදෙන මූලස්ථානය (Centcom) පැවසුවේ, හෝමූස් හරහා සිදුවන වාණිජ නාවික ගමනාගමනයට එරෙහිව ඉස්ලාමීය විප්ලවීය ආරක්ෂක බලකාය (IRGC) විසින් මෑතකදී ප්රහාර එල්ල කිරීමට උත්සාහ කිරීමෙන් පසුව, ඉරානයේ IRGC ඉලක්ක කර මෙම ඇමරිකානු ප්රහාර එල්ල කළ බවයි. IRGC සංවිධානය ප්රකාශ කළේ ඇමරිකාවට මෙම ප්රහාර සම්බන්ධයෙන් “පසුතැවීමට සිදුවනු ඇති” බවයි.
