පළාත් සභා මැතිවරණය කඩිනමින් පැවැත්වීම සඳහා අවධානය යොමු කර ඒ සඳහා අවශ්ය නීතිමය කටයුතු සොයා බලන ලෙස අග්රාමාත්ය මහින්ද රාජපක්ෂ මහතා මැතිවරණ කොමිසමේ සාමාජිකයින්ට උපදෙස් ලබා දී තිබේ.
මැතිවරණ කොමිසමේ සාමාජිකයින් හා අග්රාමාත්යවරයා අතර අද (11) පෙරවරුවේ පැවති සාකච්ඡාවේ දී අග්රාමාත්යවරයා මේ බව පවසා ඇත.
පැරණි හෝ නව ක්රමයට මැතිවරණය පැවැත්වීමට හැකි ඉඩකඩ සොයා බලන ලෙසද අග්රාමාත්යවරයා මෙහිදී සඳහන් කර තිබේ.
මැතිවරණය පැවැත්වීමේ ක්රමය වෙනස් කිරීමට අවශ්ය නීතිමය ප්රතිපාදන අමාත්යාංශ මට්ටමින් සිදුකළ යුතු බව මෙහිදී මැතිවරණ කොමිසමේ සාමාජිකයෝ පැවසූහ.
ඒ හේතුවෙන් මෙවර පළාත් සභා මැතිවරණය පැරණි ක්රමය ඔස්සේ පවත්වා ඉදිරියේදී අවශ්ය නීති සම්පාදනය කිරීමෙන් අනතුරුව නව ක්රමය යටතේ මැතිවරණය පැවැත්වීමට කටයුතු කිරීම වඩා පහසු බව ඔවුහු පෙන්වා දුන්හ.