නවසීලන්ත වෙරළට ඔබ්බෙන් සිකුරාදා දිනයේ ඇති වූ ප්‍රබලතම භූමිකම්පාව ඇතුළුව භූමිකම්පා තුනක්, හේතුවෙන් දැන් සුනාමි අනතුරු ඇඟවීම් සිදුකර තිබෙන බව විදෙස් මාධ්‍ය වාර්තා කරයි.
තුන්වන, රික්ටර් මාපක 8.1 ක භූමිකම්පාවකින් පසු උතුරු දූපතේ සමහර වෙරළබඩ ප්‍රදේශවලින් දහස් ගණනක් ඉවත් කර ඇත.
මිනිසුන් ඉහළ ස්ථානවලට පැමිණීමට උත්සාහ කරන විට රථවාහන තදබදය ඇතිවි තිබෙන අතර පළමු භූමි කම්පාවෙන් පැය 13කට පමණ පසු ජාතික සුනාමි අනතුරු ඇඟවීම 15:43 ට ඉවත් කරන ලදී.
ඇතැම් රළ පහරවල් වෙරළබඩ ප්‍රදේශවලට පහර දුන් නමුත් සිකුරාදා දහවල් වන විට එරට බලධාරීන් පැවසුවේ විශාලතම රළ පසු වී ඇති බවයි.
නිවැසියන්ට ආපසු ගෙදර යා හැකි බව පැවසූ නමුත් මුහුදු වෙරළෙන් ඈත්ව සිටින ලෙසට අනතුරු අඟවා ඇත.
නිව් කැලිඩෝනියාවේ සහ වනුවාටුහි දකුණු පැසිෆික් දූපත් සමූහයට අනතුරුදායක රැළි සඳහා සූදානම් වන ලෙස අනතුරු අඟවා ඇත.
ඔවුන්ගේ වෙරළ තීරයේ මීටර් 3 (අඩි 10) ක් තරම් ඉහළ තරංග ආයාමයක් දැකිය හැකි අතර, පේරු, ඉක්වදෝරය සහ චිලී ඇතුළු දකුණු ඇමරිකාවේ ඇතැම් ප්‍රදේශවලට ඔවුන්ගේ මුහුදු වෙරළට මීටර් 1 ක රළ දැකිය හැකි බවට අනතුරු අඟවා තිබු බව විදෙස් මාධ්‍ය වාර්තා කරයි.
හවායි හි පැසිෆික් සුනාමි අනතුරු ඇඟවීමේ මධ්‍යස්ථානය පැවසුවේ “සුනාමි රළ නිරීක්ෂණය කර ඇති” නමුත් තවමත් කිසිදු හානියක් වාර්තා වී නොමැති බවයි.
