Games
සමාජ සේවා කටයුතු වල නියැලෙන ලියෝ දිස්ත්‍රික්ක 306 C2 කොළඹ නයිට්ස් ලියෝ ආයතනය විසින් දිරිමත් හදවතක් සවිමත් කරන්නට අත්වැලක් සැපයීමේ අරමුණෙන් සංවිධානය කල ” සවිය ” බහුවිධ සේවා ව්‍යාපෘතිය ඉකුත් 24 , 25 දෙදින තුල මී මුරේ කයිකාවල කනිෂ්ට විදුහලේදී සාර්ථකව පැවැත්විණි.
එහිදී මුද්‍රණ යන්ත්‍රයක් පරිත්‍යාග කිරීම , පාසල් උපකරණ ලබා දීම , පොත් බෙදාදීම , පුස්තකාල ප්‍රතිසංස්කරණය හා ගම්වාසීන් හට ඇස් කණ්නාඩි ලබාදීම හා ප්‍රථමාධාර කට්ටල ලබා දීම වැනි සමාජ සේවා රැසක් සිදු කල අතර කොළඹ නයිට්ස් ලියෝ සමාජයේ ලියෝ පබසරා මානවි , ලියෝ මොහොම්මඩ් අස්මිල් , ලියෝ කසුන් ප්‍රනාන්දු , ලියෝ ශානුක ආදිත්‍ය ඇතුළු ලියෝ සාමාජිකයින් පිරිස ද මී මුරේ කයිකාවල කනිෂ්ට විදුහලේ විදුහල්පති ඇතුළු ගුරුභවතුන් පිරිසක් ද මේ අවස්ථාවට එක්ව සිටියා.
