ජාතික විභාග පැවැත්වෙන අවස්ථාවලදී විදුලිය කප්පාදු කිරීම වැළැක්වීමේ නියෝගයක් නිකුත් කරන ලෙස ඉල්ලා ගොනු කළ මූලික අයිතිවාසිකම් පෙත්සම සලකා බැලීම සඳහා දින නියම කර තිබෙනවා.
ඒ අනුව ජූලි මස දාහතර වෙනිදා මෙම පෙත්සම සලකා බැලීම සිදු කරන ලෙසයි ශ්‍රේෂ්ඨාධිකරණය නියම කර ඇත්තේ.
මෙම පෙත්සම අද සලකා බැලීම සඳහා ප්‍රියන්ත ජයවර්ධන, අචල වෙන්ගප්පුලි හා මහින්ද සමයවර්ධන යන මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු මඩුල්ලක් ඉදිරියේ කැඳවනු ලැබුවා.
එහිදී විනිසුරු මඩුල්ල පෙත්සම සලකා බැලීම ජූලි මස දාහතර වනදා සිදු කිරීමට තීන්දු කළා.
