යුක්‍රේන රුසියා යුධ ගැටුමට අදට දින 557 යි.
යුක්‍රේනයේ කොස්ටියන්ටයිනිව්කා නගරයට රුසියාව මිසයිල ප්‍රහාරයක් එල්ල කර තිබෙනවා.
ඉන් පුද්ගලයින් 17 දෙනෙකු මියගොස් ඇති බවයි වාර්තා වන්නේ.
තවත් 32ක් තුවාල ලබා ඇති බවද වාර්තා වනවා.
සුන්බුන්වලට යට වූ පිරිස් බේරා ගැනීම සඳහා සහන කණ්ඩායම් යොදවා ඇති බැවින් මරණ සංඛ්‍යාව සහ තුවාල ලැබූවන් ඉහළ යා හැකි බවයි විදෙස් මාධ්‍ය වාර්තා කර ඇත්තේ.
කෙසේ නමුත් මෙම ප්‍රහාරයෙන් වෙළඳසැල් 20ක්, මහල් ගොඩනැගිල්ලක්, විදුලි රැහැන් සහ මෝටර් රථ බොහෝ ප්‍රමාණයක් විනාශ වී ඇති අතර විශාල ගින්නක් ද හටගෙන ඇති බවයි වාර්තා වන්නේ.
මේ පිළිබඳව සහ තවත් තොරතුරු පහතින් නැරඹිය හැකියි.
