9 යි 11 ප්‍රහාරය සිදුවී අදට වසර 22ක් සපිරෙනවා
මීට වසර 22 ට පෙර අද වන් දිනක ලෝකයම භීතියට පත් කරමින් අමෙරිකාවට දැවැන්ත ත්‍රස්ත ප්‍රහාරයක් එල්ල වුණා.
ඒ ලෝක වෙළඳ මධ්‍යස්ථානය ඉලක්ක කර ගනිමින්.
2001 වසරේ සැප්තැම්බර් 11 වනදා අමෙරිකාවේ ලෝක වෙළඳ මධ්‍යස්ථානය ඇතුලු ස්ථාන කිහිපයකට ත්‍රස්ත ප්‍රහාරයක් එල්ල වුණා.
21 වන සියවසේ සිදු වූ වඩාත්ම සංවිධානාත්මක හා බිහිසුණුම ත්‍රස්ත ක්‍රියාව ලෙසයි මෙය සැලකෙන්නේ. ත්‍රස්ත සාමාජිකයින් 19 දෙනෙකු කණඩායම් 4ක් ලෙස සංවිධානය වී අමෙරිකානු මගී ගුවන් යානා 4ක් පැහැරගනු ලැබුවා. ඒ අනුව එම ගුවන් යානා 4න් 2ක් නිව්යෝර්ක් නුවර ලෝක වෙළඳ මධ්‍යස්ථානයේ උතුරු කුලුණේ හා දකුණු කුලුණේ ගැටීමට සලස්වා තිබෙනවා.
තුන්වන ගුවන් යානය අමෙරිකානු ආරක්ෂක මුලස්ථානය වන පෙන්ටගනයට කඩා වැටීමටයි සැලසුම් කර තිබුණේ.
කෙසේ නමුත් 4 වන යානයේ ඉලක්කය වූ වොෂින්ටනයේ ධවල මන්ධිරයට හෝ කැපිටල් ගොඩනැගිල්ලට කඩාවැටීමේ සැලැස්ම ද ව්‍යර්ථ වුණා.
මෙම ත්‍රස්ත ප්‍රහාරවලින් පුද්ගලයින් 2977 දෙනෙකු මියගිය අතර 25000 කට අධික පිරිසක් තුවාල ලබා තිබෙනවා.
එසේම සිදු වූ දේපල හානිය අමෙරිකානු ඩොලර් බිලියන 10 ඉක්ම වූ බවයි වාර්තා වන්නේ.
