දංකොටුව පොලිස් වසමේ කටුකෙන්ද ප්‍රදේශයේ නිවසක් තුල කාන්තාවක් ඝාතනය කර ඇති බවට දංකොටුව පොලිස් ස්ථානයට ලද පණිවිඩයක් සම්බන්ධයෙන් විර්මශනයක් ආරම්භ කර තිබෙනවා.
මරණකාරිය වයස අවුරුදු 52 ක් වූ කටුකෙන්ද, දංකොටුව ප්‍රදේශයේ පදිංචිකාරියක්.
මරණකාරිය හා ඇයගේ පුත්‍රයා කටුකෙන්ද ප්‍රදේශයේ උළු කම්හලකට අයත් නිවසක පදිංචිව සිට ඇති අතර 2024.03.31 වන දින උදෑසන ඇයගේ පුත්‍රයා නිවසින් බැහැර ගොස් සවස් කාලයේ නැවතත් නිවසට පැමිණ මව පිළිබඳ සොයා බැලීමේදී නිවසේ කාමරයක් තුල ගෙල සිරකර ඝාතනය කර තිබූ සිය මවගේ සිරුර දැක ඇති බවට සිදුකළ විමර්ශනයේ දී අනාවරණය වී තිබෙනවා.
