පැරිස් පැරාලිම්පික් ක්‍රීඩා උළෙල ශ්‍රී ලංකා වේලාවෙන් 29 වැනිදා අලුයම ආරම්භ වේ. පැරිස් ඔලිම්පික් සංවිධාන කමිටුව සහ ජාත්‍යන්තර පැරාලිම්පික් කමිටුව ඒකාබද්ධ මාධ්‍ය හමුවක් පවත්වමින් පැරිස් පැරාලිම්පික් ක්‍රීඩා උළෙලේ සැලසුම හඳුන්වා දී තිබෙනවා.
පැරිස් පැරාලිම්පික් උළෙලේ සත්කාරකත්වය ප්‍රංශයට ඓතිහාසික අවස්ථාවක් වනු ඇතැයි පැරිස් ඔලිම්පික් සංවිධාන කමිටුවේ සභාපති Tony Estanguet මාධ්‍ය හමුවේදී පැවසීය.
සමස්ත ක්‍රීඩා ටිකට්පත් මිලියන 2.5 ක් ඇති අතර මේ වන විට මිලියන 2ක් අලෙවි වී තිබේ. පැරිස් ඔලිම්පික් ක්‍රීඩා උළෙල මෙන්ම, පැරාලිම්පික් උළෙලේ තරඟ ආරම්භ වීමට පෙර අවසාන මොහොතේ ප්‍රවේශපත්‍ර තවදුරටත් උණුසුම් ලෙස අලෙවි වනු ඇතැයි තමා විශ්වාස කරන බව Estanguet කියා සිටියේය.
ජාත්‍යන්තර පැරාලිම්පික් කමිටුවේ සභාපති Andrew Parsons පැවසුවේ, 2008 බෙයිජිං පැරාලිම්පික් ක්‍රීඩා උළෙල බාධකවලින් තොර පහසුකම් සඳහා ආයෝජනය කිරීමට ආදර්ශයක් තැබූ අතර මෙවර පැරිස් නගරයේ ද බාධක රහිත පහසුකම් සඳහා විශාල වශයෙන් ආයෝජනය කිරීම, සතුටට කරුණක් බවයි.
