එළැඹෙන සඳුදා සිට කොළඹ නගරයේ මංතීරු නීතිය කඩකරන රියදුරන්ට එරෙහිව රුපියල් 2000ක දඩයක් පැනවීම අනිවාර්යෙන්ම ක්‍රියාත්මක කෙරෙන බව පොලීසිය නිවේදනය කර තිබේ.
ඒ අනුව අද (17) සහ හෙට (18) දෙදිනත් මංතීරු නීතිය නියමු ව්‍යාපෘතියක් ලෙස ක්‍රියාත්මක වන අතර අධික රථ වාහන තදබදයට පිළියමක් ලෙස ශ්‍රී ජයවර්ධනපුර මාවත, බේස් ලයින්, හයිලෙවල් හා ගාලු පාර යන මාර්ග හතර ඉලක්ක කර ප්‍රමුඛතා මංතීරු ක්‍රියාත්මක වේ.
තනි ඉර කපා වාහන ඉස්සර කිරීම, ද්විත්ව ඉරි කපා වාහන හැරවීම ඇතුළු මංතීරු නීතියට අයත් වැරදි 14 කට එරෙහිව රුපියල් 2000 ක දඩයක් ලබන සඳුදා සිට පැනවෙන බව පොලීසිය සදහන් කළේය.
බස්, ත්‍රිරෝද රථ හා යතුරු පැදි ඒ සඳහාම විශේෂිත මංතීරුවේ ධාවනය කිරීමත් අත්‍යවශ්‍ය වේ.
මෙහිදී ඩ්‍රෝන කැමරා සහ සීසීටීවී දර්ශන මඟින් රථවාහන ගමනාගමනය නිරීක්ෂණය කිරීමට නියමිත අතර සෑම සතියේ දිනකම පෙරවරු 6 සිට 9 දක්වාත්, පස්වරු 4 සිට 7 දක්වාත් මෙම නීතිය දැඩිව ක්‍රියාත්මක කරනු ලබයි.
