මිනුවන්ගොඩ ප්‍රදේශයෙන් වාර්තා වු කොවිඩ් නයින්ටීන් ආසාදිතයින් කිහිපදෙනා හේතුවෙන් හදිසි තත්ත්වයක් ලෙස එය දැනුම්දෙන බව සෞඛ්‍ය අමාත්‍යාංශය නිවේදනය කරයි.
එය සමාජය තුළ තවදුරටත් සම්ප්‍රේෂණය පාලනය කළ යුතු බව ද නිවේදනයක් නිකුත් කරමින් අමාත්‍යාංශය සඳහන් කර තිබේ.
දැනට රට තුළ ඇඳිරි නීතිය ක්‍රියාත්මක වන්නේ දිවුලපිටිය, වේයන්ගොඩ සහ මිනුවන්ගොඩ ප්‍රාදේශීය ලේකම් කොට්ඨාසවලට පමණක් වන අතර, රටේ සෙසු ප්‍රදේශවල සිටින මහජනතාවට ද ලබා දී ඇති මාර්ගෝපදේශයන්ට අනුකූලව කටයුතු කළ යුතු බව වැඩබලන සෞඛ්‍ය සේවා අධ්‍යක්ෂ ජනරාල් විශේෂ වෛද්‍ය එස්.ශ්‍රීධරන් මහතා පවසයි.
මහජනතාව රැස්වන කිසිදු කටයුත්තකට සහභාගී නොවී සිටිම මහජන වගකීමක් බව ද වෛද්‍යවරයා පෙන්වා දෙයි.
නිවෙස්වලින් පිටත පැමිණෙන විට මුහුණු ආවරණයක් සෑම විටම පැළඳිය යුතු බවත්, නිතර අත්සේදීම හා මුහුණ ස්පර්ශ කිරීමෙන් වැළකී සිටිය යුතු බව ද එම නිවේදනයේ වැඩිදුරටත් දැක්වේ.
