කල්පිටිය, කල්පිටිය, වැල්ල මුහුදු ප්රදේශයේ සිදුකළ මුර සංචාරයක් අතරතුරදී වලංගු ධීවර අවසරපත් නොමැතිව නීති විරෝධි ලෙස ධීවර කටයුතුවල නිරත වූ පුද්ගලයින් දෙදෙනෙකු අත්අඩංගුවට ගෙන ඇත.
වයඹ නාවික විධානයට අනුයුක්ත නාවිකයින් පිරිසක් විසින් ඊයේ (30) මෙම අත්අඩංගුවට ගැනීම සිදුකොට ඇත.
එහිදී, ධීවර කටයුතු සඳහා යොදා ගත් ඩිංගි යාත්රාවක්, පිටත දහන යන්ත්රයක් නාවික හමුදා බාරයට ගෙන ඇති අතර, අත්අඩංගුවට පත් පුද්ගලයින් වයස අවුරුදු 26 සහ 49 වන වියෙහි පසුවන මන්නාරම, උප්පුකුලම් සහ කල්පිටිය ප්රදේශයේ පදිංචිකරුවන් බව හඳුනාගෙන ඇත.
ඒ අනුව අත්අඩංගුවට ගත් පුද්ගලයන්, ඩිංගි යාත්රාව, පිටත දහන යන්ත්රය සහ අනෙකුත් ධීවර ආම්පන්න ඉදිරි පරීක්ෂණ කටයුතු සඳහා පුත්තලම, ධීවර පරික්ෂක කාර්යාලය වෙත භාර දීමට කටයුතු කර ඇත.