මධ්‍යම කාරක සභාවේ තීන්දුව මොකක්ද ?

වත්මන් ආණ්ඩුව විසින් අනුමත සේවක සංඛ්‍යාව ඉක්මවා යමින් රාජ්‍ය සේවය සඳහා පුද්ගලයින් බඳවාගැනීම් කටයුතු සිදු කරමින් පවතින බව එක්සත් ජනතා නිදහස් සන්ධාන මහලේකම් මහින්ද අමරවීර මහතා පවසයි.

එමෙන්ම ආණ්ඩුව ජනාධිපතිවරණ ප්‍රචාරක කටයුතුවෙනුවෙන් විශාල මුදලක් වැය කරමින් සිටින බව නිදහස් සන්ධාන මහලේකම්වරයා සඳහන් කළේය.

ශ්‍රී ලංකා නිදහස් පක්ෂ මූලස්ථානයේ ඊයේ කැදවා තිබූ මාධ්‍ය හමුවකට එක්වෙමින් මහින්ද අමරවීර මන්ත්‍රීවරයා මෙම අදහස් පල කළේය.

පොදුජන පෙරමුණ සහ නිදහස් පක්ෂය අතර සාකච්ජා ගැන සුබවාදීව බලාපොරොත්තු වෙන බව එක්සත් ජනතා නිදහස් සන්ධාන මහලේකම් මහින්ද අමරවීර මහතා වැඩිදුරටත් පැවසීය.

ජනාධිපතිවරණ සඳහා ඉදිරිපත් අපේක්ෂකයා ලෙස ශ්‍රී ලංකා නිදහස් පක්ෂයේ මධ්‍යම කාරක සභාව විසින් තීන්දු කර ඇත්තේ ජනාධිපති මෛත්‍රීපාල සිරිසේන මහතාගේ නම බව මහින්ද අමරවීර මහතා  සඳහන් කළේය.