ඇල්කොහොල් භාවිත කර නිෂ්පාදනය කළ සැනිටයිසර් පානය කිරීමෙන් ඉන්දියාවේ අන්ද්‍රා ප්‍රදේශ් ප්‍රාන්තයේ 10 දෙනෙක් පමණ මියගොස් ඇතැයි වාර්තා වේ.
කොවිඩ් -19 වසංගතය හේතුවෙන් එම ප්‍රදේශයේ මත්පැන් විකුණන ස්ථාන වසා දමා තිබීම නිසා ඔවුන් සැනිටයිසර් පානය කිරීමට පෙළඹී ඇති බවට සැක කෙරේ.
කුරිචේදු නම් එම ගම්මානයේ කොරෝනා අසාදිතයින් බහුල ව හමු වී තිබේ.
මියගොස් ඇති පුද්ගලයින් ජලය සහ සිසිල් බීම සමග සැනිටයිසර් මිශ්‍ර කර පානය කර ඇති බව පොලීසිය පැවසීය.
දැඩි ලෙස මත්පැන් පානය කිරීමට පුරුදු වී ඇති සමහර පුද්ගලයින් එම මිශ්‍රණයන් දින 10ක් පමණ පානය කර ඇති බව පැවසේ.
