පාර්ලිමේන්තු මන්ත්‍රිවරුන් කිහිප දෙනෙකු හට කොරෝනා වෛරසය ආසාදනය විම හේතුකොටගෙන සියලු පාර්ලිමේන්තු මන්ත්‍රීවරුන්ට PCR පරීක්ෂණවලට යොමු වන ලෙස දැනුම් දී තිබේ.
පසුගිය(11) වැනිදා පස්වරුවේ සියලු මන්ත්‍රීවරුන්ට මේ බව දැනුම් දී ඇති අතර අද(13) සහ ලබන 15 වැනි දා පාර්ලිමේන්තු සංකීර්ණයේදී PCR පරීක්ෂණ සිදුකිරීමට අවශ්‍ය වැඩපිළිවෙළ මේ වනවිට සකස් කර ඇති බවද වාර්තා වෙයි.
එම දිනවලදී මන්ත්‍රීවරුන්, කාර්යමණ්ඩල සාමාජිකයින් සහ ආරක්ෂක අංශ සාමාජිකයින්ට PCR පරීක්ෂණවලට සහභාගී විය හැකි අතර මේ වනවිට පාර්ලිමේන්තු මන්ත්‍රීවරුන් 25 කට ආසන්න පිරිසක් ස්වයං නිරෝධායනයට යොමු කිරීමට පියවර ගත් ගෙන ඇත.
මේ අතර ජල සම්පාදන අමාත්‍ය වාසුදේව නානායක්කාර මහතාට කොවිඩ් ආසාදනය වී ඇතැයි තහවුරු වී ඇති බව පසුගිය දින වාර්තා විය.
ශ්‍රි ලංකා මුස්ලිම් කොංග්‍රාසයේ නායක රවුෆ් හකීම් මහතාට කොරෝනා වැළදී තිබෙන බවට තහවුරු විය.
මේ බව ඒ මහතා සිය ටිවිටර් ගිණුම ඔස්සේ සටහන් කර තිබේ.
I have tested positive for COVID-19 today and will be entered into a quarantine facility. I request those who came into contact with me in the last 10 days to take necessary health and safety precautions.
— Rauff Hakeem (@Rauff_Hakeem) January 10, 2021
මේ අතර රාජ්‍ය අමාත්‍ය දයාසිරි ජයසේකර මහතාගේ පුද්ගලික ලේකම්වරයාටත් කොරෝනා වෛරසය ආසාදනය වී ඇත.
මේ වන විට අමාත්‍යවරයාගේ පළමු පෙළ ආශ්‍රිතයින් 118 දෙනෙකු නිරෝධායනය සඳහා යොමු කර ඇති බව මහජන සෞඛ්‍ය පරීක්ෂකවරුන් පැවසීය.
පසුගියදා රාජ්‍ය අමාත්‍ය දයාසිරි ජයසේකර මහතාට කොරෝනා වෙෙරසය වැළදී තිබෙන බවට තහවුරු විය.
රාජ්‍ය අමාත්‍යවරයා කොවිඩ් ආසාදිතව හික්කඩුව ප්‍රදේශයේ නිරෝධායන මධ්‍යස්ථානයක ප්‍රතිකාර ලබන අතර ඉකුත් දින කිහිපයේ ඔහුගේ ආශ්‍රිතයින් හඳුනාගැනීම සඳහා සෞඛ්‍ය අංශ කටයුතු කරමින් සිටී.
මේ අතර පසුගියදා රාජ්‍ය අමාත්‍ය දයාසිරි ජයසේකර මහතා හට කොරෝනා වෛරසය ආසාදනය වී ඇති බව තහවුරු වීමෙන් අනතුරුව ඔහුගේ නිල ෆේස්බුක් පිටුව ඔස්සේ ප්‍රකාශයක් නිකුත් කර තිබුණි.
එම ප්‍රකාශය පහතින්,
“රට තුළ පවතින covid 19 සෞඛ්‍ය තත්වය හමුවේ PCR පරීක්ෂණයක් සදහා ස්වෙච්ඡාවෙන් ඉදිරිපත් වූ මා හට covid 19 වෛරසය ආසදනය වී ඇති බව තහවුරු විය.එබැවින් ජාතික covid මර්දන උපදේශනයට අනුව මා මේ මොහොතේ නිරෝධානය නීතිමය ක්‍රියාවලිය සමග සම්බන්ධ වී ඇත.තවද මේ මොහොතේ covid 19 වෛරසය ආසදනය වී ඇති ලෝකවාසී සියලුම දෙනාට ඉක්මන් සුවය ප්‍රර්ථනා කරමි.
මම : දයාසිරි ජයසේකර”
මේ අතර රාජ්‍ය අමාත්‍යවරයා මේ වන විට ප්‍රතිකාර සඳහා හික්කඩුව ප්‍රදේශයේ නිරෝධායන මධ්‍යස්ථානයක් වෙත යොමුකර තිබේ.
මේ අතර පසුගියදා රාජ්‍ය අමාත්‍ය දයාසිරි ජයසේකර මහතා හමුවූ පාර්ලිමේන්තු මන්ත්‍රී හරින් ප්‍රනාන්දු මහතා පැවසුවේ තමා කොවිඩ් -19 සඳහා PCR පරීක්ෂණයක් සිදු කරගෙන තිබෙන අතර අදාල පරීක්ෂණයෙන් තමන්ට වෙෙරසය වැළදී නොමැති බවයි.
හරීන් ප්‍රනාන්දු මහතා ටිව්ටර් පණිවිඩයක් නිකුත් කරමින් මෙය සදහන් කර තිබේ. අදාල පණිවිඩයේ වැඩිදුරටත්් සදහන් වන්නේ දයාසිරි ජයසේකර මහතාට ඉක්මන් සුවය ප්‍රාර්ථනා කරන බවයි.
I tested negative for Covid today. I did a PCR voluntarily, as I had met State Minister Dayasiri Jayasekara 12 days ago. I wish him a speedy recovery. pic.twitter.com/lLvHpBqBsQ
— Harin Fernando (@fernandoharin) January 8, 2021
