මත්පැන් හා දුම්වැටි සඳහා වන සුරාබදු බද්ද 20% කින් ඉහළ දැමීම හේතුවෙන් විවිධ මත්පැන් වර්ගවල හා දුම්වැටි වල මිල ඉහළගොස් තිබෙනවා.
මිලි ලීටර් 750 විශේෂ අරක්කු බෝතලයක මිල රු. 206 කින් ද, දේශීයව පෙරන ලද විදේශීය මත්පැන් රු. 266 කින් ද ඉහළ ගොස් ඇති බවයි සඳහන් වන්නේ.
සැර 5% ට අඩු බියර් 625ml ක මිල රු. 21 කින් සහ සැර 5% ට වැඩි බියර් 625ml ක මිල රු. 39 කින් ඉහළ දමා තිබෙනවා.
එසේම රුපියල් 90 ට තිබූ දුම්වැටියක මිල රුපියල් 105 දක්වාත් රුපියල් 85 ට තිබූ දුම්වැටියක මිල රුපියල් 100 දක්වාත් ඉහළ යන බවයි වාර්තා වන්නේ.
