ඊයේ (17) මාතලේ කොට්ඨාස අපරාධ විමර්ශන අංශයේ නිලධාරීන්ට ලද තොරතුරක් මත වැටලීමක් සිදුකර තිබෙනවා.
එහිදී විදේශ රටක නිෂ්පාදිත පිස්තෝල අවියක් සන්තකයේ තබා ගෙන සිටි සැකකරුවෙකු හා ඊට ආධාර අනුබල දුන් තවත් සැකකරුවන් දෙදෙනෙකු අත්අඩංගුවට ගෙන මාතලේ පොලිස් ස්ථානය වෙත ඉදිරිපත් කර තිබෙනවා.
අත්අඩංගුවට ගත් සැකකරුවන් අවුරුදු 23, 32 හා 44 වයස්වල පසුවන මාතලේ ප්‍රදේශයේ පදිංචිකරුවන්.
සැකකරුවන් අද (18) මාතලේ මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
