අමෙරිකානු ඉතිහාසයේ ප්‍රථම වරට කතානායක ඉවතට
අමෙරිකානු කතානායක කෙවින් මැකාතිව එම ධූරයෙන් නෙරපා හැර තිබෙනවා.
ඒ එක්සත් ජනපද නියෝජිත මන්ත්‍රී මණ්ඩලයේ ඡන්ද විමසීමකින් පසුවයි.
එහිදී මැකාතිට එරෙහිව ඡන්ද 216ක් හිමි වී ඇති අතර පක්ෂව හිමි වූයේ ඡන්ද 210ක් පමණයි.
විදෙස් මාධ්‍යට අනුව අමෙරිකානු ඉතිහාසයේ කතානායක ධූරයෙන් ඉවත් කළ පළමු පුද්ගලයා වන්නේ ද කෙවින් මැකාතියි.
කතානායක ලෙස ඔහු ගත් ඇතැම් තීන්දු තීරණ ඩිමොක්‍රටික් සහ රිපබ්ලිකන් පාක්ෂකයින්ගේ අප්‍රසාදයට ලක් වීම මෙම තීරණයට හේතු වී ඇති බවයි වාර්තා වන්නේ.
ඒ අනුව රිපබ්ලිකන් පාක්ෂකයින් කිහිපදෙනෙකු එක්ව මැකාතිව ඉවත් කිරීමට අදාළ යෝජනාව නියෝජිත මන්ත්‍රී මණ්ඩලයට ඉදිරිපත් කර තිබෙනවා.
මේ සම්බන්ධයෙන් අදහස් දක්වමින් මැකාති පවසා ඇත්තේ ඔහු නැවත කතානායක ධූරයට ඉදිරිපත් වන්නේ නැති බවයි.
කෙසේ වෙතත් මැකාතිව නෙරපා හැරීමෙන් පසු රිපබ්ලිකන් පක්ෂයේ පැට්‍රික් මැක්ගෙන්රිව වැඩ බලන කතානායක ලෙස පත් කර තිබෙනවා.
මේ පිළිබඳව සහ තවත් තොරතුරු පහතින් නැරඹිය හැකියි.
