යුක්‍රේන රුසියා යුධ ගැටුම ක්‍රමක්‍රමයෙන් රුසියාව වෙත ඇඳී යන බවක් දක්නට පිළිවන්.
යුක්‍රේනය රුසියානු ගුවන් ආරක්ෂක පද්ධතියකට ඩ්‍රෝන ප්‍රහාර එල්ල කර තිබෙනවා.
මෙලෙස රුසියාවේ බෙල්ගොරෝද් නගරය ආසන්නයේ පිහිටි S-400 ට්‍රයම්ස් ගුවන් ආරක්ෂක පද්ධතියටයි ප්‍රහාර එල්ල කර ඇත්තේ.
එසේම රුසියාවේ බෙල්ගොරෝද්, බ්‍රයන්ස්ක් සහ කර්ස්ක් යන ප්‍රදේශවලට යුක්‍රේනය එල්ල කළ ඩ්‍රෝන ප්‍රහාර 31ක් බිම හෙළු බව රුසියාව පවසනවා.
මේ අතර රුසියාව රට පුරා සයිරන් හඬ නාද කර හදිසි අභ්‍යාස පවත්වා තිබෙනවා.
ඒ මොස්කව් ඇතුළු රුසියානු නගරවලට එල්ල වන යුක්‍රේන ප්‍රහාර හේතුවෙනුයි.
එරට විද්‍යුත් නාලිකා ප්‍රකාශ කර ඇත්තේ රටේ අනතුරු ඇඟවීම් පද්ධතියේ සූදානම පරීක්ෂා කරන බැවින් සියලු පුරවැසියන්ට සන්සුන්ව සිටින ලෙසයි.
මේ අතර මන්දගාමී නමුත් නිසැකවම යුද්ධය ජයගන්නා බව යුක්‍රේන ජනපති සෙලෙන්ස්කි පවසනවා.
මේ පිළිබඳව සහ තවත් තොරතුරු පහතින් නැරඹිය හැකියි.
