අමෙරිකානු ජනප්‍රිය ගායිකාවක,ගීත රචිකාවක සහ නිළියක වන මැඩෝනා ලුයිස් සිකෝන් වාර්තා චිත්‍රපටයක් එළිදක්වන බව වාර්තා වනවා.
ඒ ඇගේ සංගීත දිවිය අළලායි.
ඊට ඇගේ ජනප්‍රිය ගීත 40 කට වඩා වැඩි ප්‍රමාණයක් ඇතුළත් කරන බවයි වාර්තා වන්නේ.
පසුගිය ජුනි මාසයේ දී නිව්යෝර්ක්හි පිහිටි ඇගේ නිවසේ දී සිහිසුන්ව සිටි ඇය ප්‍රතිකාර සඳහා රෝහලට ගෙන යනු ලැබුවා.
එහිදී බැක්ටීරියා ආසාදනයක් සඳහා ප්‍රතිකාර ලැබූ ඇය සුව වීමෙන් පසු නැවතත් රෝහලෙන් පිටව ගියා.
ලබන සෙනසුරාදා දිනයේ දී ඇගේ වාර්තා චිත්‍රපටයේ මංගල දර්ශනය එළිදක්වන බවයි වාර්තා වන්නේ.
