2024 සහ 2025 දෙවසර තුළ ලෝක ආර්ථිකය 2.7% කින් වර්ධනය වනු ඇතැයි අපේක්ෂා කෙරේ.
එක්සත් ජාතීන්ගේ වෙළඳ හා සංවර්ධනය පිළිබඳ සමුළුව පසුගියදා “2024 වෙළඳ හා සංවර්ධන වාර්තාව” නිකුත් කරමින් ඒ බව සඳහන් කළේය.
මෙම වසරේ සහ එළඹෙන වසරේ ලෝක ආර්ථික වර්ධනය 2001 සහ 2019 අතර සාමාන්‍ය වාර්ෂික වර්ධන වේගය වන 3.0% ට වඩා අඩු වනු ඇතැයි ද අපේක්ෂා කරන බව එම වාර්තාව සඳහන් කරයි.
ගෝලීය සංවර්ධන උපායමාර්ග පිළිබඳ යළි අවධානය යොමු කළ යුතු අතර ජාත්‍යන්තර මූල්‍ය පද්ධතිය ප්‍රතිසංස්කරණය කළ යුතු ය.
එමෙන්ම බහුපාර්ශ්විකත්වය සඳහා වූ කැපවීම පුනර්ජීවනය කරමින් සංවර්ධනය වෙමින් පවතින රටවලට වඩා වැඩි සහයෝගයක් ලබා දිය යුතු බව ද එක්සත් ජාතීන්ගේ වෙළඳ හා සංවර්ධන කටයුතු පිළිබඳ මහලේකම් පවසනවා.
