ආපදා කළමනාකරණ මධ්‍යස්ථානය සහ මහජනතාව ගුවන් හමුදාවට ලබා දුන් සහන ද්‍රව්‍ය හා මුදවා ගැනීමේ උපකරණ ආපදාවට පත් ජනතාව වෙත ගුවනින් ප්‍රවාහණය කරන තිබෙනවා. ඒ අනුව, කිලෝග්‍රෑම් 1700 ක වියළි ආහාර තොගයක් MI-17 හෙලිකොප්ටරයකින් කොත්මලේ ප්‍රදේශයට ගෙන ගිය අතර, ආපදා කළමනාකරණ මධ්‍යස්ථානයේ මුදවා ගැනීමේ උපකරණ තොගයක් Y-12 යානයකින් මඩකලපුව සහ අම්පාර කඳවුරු වෙත ප්‍රවාහණය කොට ඇතැයි වාර්තා වනවා. තවද, Y-12 ගුවන් යානා දෙකක් මඟින් කිලෝග්‍රෑම් 1100 බැගින් වූ වියළි ආහාර මාවිල්ආරු හා අනුරාධපුර ජනතාව සඳහා චීනවරාය හා අනුරාධපුර කඳවුරු වෙත රත්මලානෙන් පිටත් කර හැර තිබෙනවා. ඊට අමතරව, හලාවත සහ මහනුවර උඩුදුම්බර ප්‍රදේශවල විපතට පත් ජනතාව සඳහා BEL-412 හෙලිකොප්ටර් යානා දෙකකින් වියළි හා පිසූ ආහාර ද ගුවන් මගින් ප්‍රවාහණය කර ඇතැයි වැඩිදුරටත් සඳහන්.
