ඇමෙරිකාව සහ කැනඩාව අතර නව වෙළෙඳ ගිවිසුමක් සඳහා මූලික එකඟතාවක්

ඇමෙරිකාව සහ කැනඩාව අතර නව වෙළෙඳ ගිවිසුමක් ඇති කර ගැනීම සඳහා මූලික සැලසුමක් සකස් කර ඇති බව ඇමෙරිකානු ජනාධිපති Donald Trump ප්‍රකාශ කර තිබේ. කෙසේ වෙතත්, එහි අන්තර්ගතය පිළිබඳ වැඩිදුර විස්තර හෙළි කිරීම ඔහු ප්‍රතික්ෂේප කළේය. ඉරිදා (1) Iowa ප්‍රාන්තයේ Dubuque වෙත පැමිණීමෙන් අනතුරුව මාධ්‍යවේදීන් අමතමින් Trump මේ බව සඳහන් කළේය. පසුගිය දින කිහිපය තුළ කැනඩා අගමැති Mark Carney සමඟ වෙළෙඳ කටයුතු සම්බන්ධයෙන් සාකච්ඡා කළ බව ද ඔහු පැවසීය. කෙසේ වෙතත්, යෝජිත ගිවිසුමේ කොන්දේසි, ක්‍රියාත්මක කිරීමේ කාලසීමාව හෝ දෙරට අතර පවතින වෙළෙඳ ගැටලු විසඳන ආකාරය පිළිබඳව මෙතෙක් නිශ්චිත තොරතුරු අනාවරණය වී නොමැත.